Hver er forsendan fyrir þessum afslætti?

Er ekki tími til kominn að upplýsa okkur almúgann um forsendu þessa afsláttar sem í raun eru okkar peningar, gefnir frá okkur til þess að við getum greitt þá til baka!

Koma svo, allar skýringar eru vel þegnar.....

1600 milljarða afföll

Þetta er nú eitthvað öfugsnúið - ókeypis auglýsing!

Hér ekki alls fyrir löngu gekk yfir bylgja auglýsinga sem settar voru upp líkt og um gamlar blaðaúrklippur væri að ræða.  Líklega  átti það að auka traust manna á þeim þar sem vísað var þá í miðla sem "alltaf sögðu satt".  Núna er greinilega komin ný útgáfa af slíkum auglýsingum.

"Fréttin" segir frá breyttri mælingu án þess að fram komi raunveruleg lækkun einhverra gjalda.  Reiknuð lækkun er byggð á besta-versta tilfelli og kemur verðlækkun ekkert við!

Nú spyr ég, hvað þarf að gera til að fá svona auglýsingar?

 

Síminn lækkar verð á útlandasímtölum

Spilling á Ítalíu (og víðar)

Því miður er líklegt að bróðurpartur þeirra fjármuna sem lagður verður til endurreisnar í Abruzzo komist aldrei til réttra aðila.  Eftir skjálftann 1980, sem kenndur er við Irpinia, en í raun voru tveir samtíma skjálftar, annar í Irpinia en hinn út í hafi fyrir utan Agropoli, komst minna en fjórðungur af fjármununum til skila, megin hlutinn varð spillingu að bráð.  Í bæjum og borgum í Campagnia má enn sjá ummerki þessa þar sem endurreisn var hafin en enn hefur ekki verið lokið, næstum 30 árum seinna.  Eftir því sem ég kemst næst þá eru minna en tíu ár frá því að síðustu bráðabyrgða heimilunum var lokað og íbúar þeirra fengu varanlegt húsnæði. 

 Hugur minn er hjá þeim sem þarna eiga um sárt að binda.  Þeirra staða er ekki öfundsverð, sagan sýnir að þar er lítið samhengi milli bráðabyrgða og skammtíma úrlausna, þær fyrrnefndu geta varað í langan tíma.

Tvennt er þó í þessari frétt sem ég verð að minnast á.  Fyrra atriðið er að  líklega er hér íslandsmet í staðreyndavillum hjá einum (fyrrum) virtasta fjölmiðli landsins.  Fyrir utan þá staðreynd að spilling er alvarlegt vandamál á Ítalíu er ekkert annað rétt í þessari frétt!

 Seinna atriðið er að við þurfum ekki annað en að líta út um gluggann til að sjá hálfkláraðar byggingar og ummerki enn stórtækari spillingar, förum varlega þegar við dæmum aðra!

Klófestir mafían peningana?

Batnandi er best að lifa

Vonandi eru þetta breytingar til batnaðar eftir að Indversk stjórnvöld höfnuðu OLPC verkefninu fyrir þremur árum.  Á hinn bóginn vekur þetta upp spurningar, er ekki allt í lagi heima hjá mbl, er verið að gera grín að lesendum?  Ég tek undir með Kristjáni Logasyni, ætli tölvan sé æt?  

Fartölva á 1.150 krónur